Mahan Kosh Encyclopedia, Gurbani Dictionaries and Punjabi/English Dictionaries.
| SGGS Gurmukhi/Hindi to Punjabi-English/Hindi Dictionary |
Āth(i). 1. ਧਨ, ਦੌਲਤ, ਮਾਇਆ ('ਮਹਾਨਕੋਸ਼' ਇਥੇ 'ਆਥਿ' ਦੇ ਅਰਥ ਇਛਾਵਾਨ (ਸੰ.) ਕਰਦਾ ਹੈ।)। 2. ਥਕਿਆ ਹੋਇਆ, ਨਿਢਾਲ (ਮਹਾਨਕੋਸ਼), ('ਸ਼ਬਦਾਰਥ', 'ਦਰਪਣ' ਇਥੇ ਵੀ 'ਆਥਿ' ਦੇ ਅਰਥ 'ਮਾਇਆ' ਹੀ ਕਰਦੇ ਹਨ।)। 3. ਇਥੇ। 4. ਹੈ। 5. ਲੋਪ ਹੋਇਆ (ਮਹਾਨ ਕੋਸ਼), ('ਸ਼ਬਦਾਰਥ' ਤੇ 'ਦਰਪਣ' ਅਰਥ 'ਮਾਇਆ' ਹੀ ਕਰਦੇ ਹਨ।)। 1. riches, wealth. 2. tired, exhausted. 3. here. 4. is. 5. disappeared.
ਉਦਾਹਰਨਾ:
1. ਬਿਨੁ ਨਾਵੈ ਧਨੁ ਬਾਦਿ ਹੈ ਭੂਲੋ ਮਾਰਗਿ ਆਥਿ ॥ Raga Sireeraag 1, Asatpadee 10, 6:2 (P: 50).
ਆਥਿ ਸੈਲ ਨੀਚ ਘਰਿ ਹੋਇ॥ ਆਥਿ ਦੇਖਿ ਨਿਵੈ ਜਿਸੁ ਦੋਇ ॥ Raga Raamkalee 1, Oankaar, 14:3;4 (P: 931).
2. ਭੂਖ ਪਿਆਸੋ ਆਥਿ ਕਿਉ ਦਰਿ ਜਾਇਸਾ ਜੀਉ ॥ Raga Dhanaasaree 1, Chhant 2, 5:1 (P: 689).
3. ਹੰਸੁ ਚਲੈ ਉਠਿ ਡੁਮਣੋ ਮਾਇਆ ਭੂਲੀ ਆਥਿ ॥ Raga Raamkalee 1, Oankaar, 42:2 (P: 935).
4. ਹਰਿ ਨਾਮੁ ਰਸਾਇਣੁ ਸਹਿਜ ਆਥਿ ॥ Raga Basant 1, 7, 1:4 (P: 1170).
5. ਮੋਰੋ ਜਨਮ ਮਰਨ ਦੁਖੁ ਆਥਿ ਧੀਰ ॥ Raga Basant, Kabir, 5, 3:3 (P: 1194).
|
| SGGS Gurmukhi-English Dictionary |
[1. Pra. 2. Sk. V.] 1. (Âtha) wealth 2. (Asta) to move away, to remove to dispel, to turn away
SGGS Gurmukhi-English Data provided by
Harjinder Singh Gill, Santa Monica, CA, USA.
|
| Mahan Kosh Encyclopedia | |
ਦੇਖੋ- ਆਥ। 2. ਅਰਥ. ਧਨ. ਦੌਲਤ. “ਆਥਿ ਸੈਲ ਨੀਚ ਘਰਿ ਹੋਇ। ਆਥਿ ਦੇਖਿ ਨਿਵੈ ਜਿਸ ਦੋਇ.” (ਓਅੰਕਾਰ) ਜੇ ਧਨ ਮੂਰਖ ਅਤੇ ਨੀਚ ਦੇ ਘਰ ਹੋਵੇ, ਤਦ ਧਨ ਨੂੰ ਵੇਖਕੇ ਚਤੁਰ ਅਤੇ ਕੁਲੀਨ ਦੋਵੇਂ ਨਿਉਂਦੇ ਹਨ। 3. ਇੰਦ੍ਰੀਆਂ ਦੇ ਵਿਸ਼ਿਆਂ ਵਿੱਚ. ਦੇਖੋ- ਅਗਛਮੀ। 4. ਅਸ੍ਤ ਹੋਇਆ. ਲੋਪ ਭਇਆ. “ਮੇਰੋ ਜਨਮ ਮਰਨ ਦੁਖ ਆਥਿ.” (ਬਸੰ. ਕਬੀਰ) 5. ਅਤ੍ਰ. ਇੱਥੇ. “ਮਾਇਆ ਭੂਲੀ ਆਥਿ.” (ਓਅੰਕਾਰ) 6. ਸ੍ਥਗਿਤ. ਥੱਕਿਆ. ਮਾਂਦਾ. “ਭੂਖ ਪਿਆਸੋ ਆਥਿ ਕਿਉ ਦਰਿ ਜਾਇਸਾ ਜੀਉ?” (ਧਨਾ ਛੰਤ ਮਃ ੧) 7. ਅਰਥਿਨ੍. ਅਰਥੀ. ਇੱਛਾ ਵਾਲਾ. ਖ਼੍ਵਾਹਿਸ਼ਮੰਦ. “ਭੂਲੋ ਮਾਰਗ ਆਥਿ” (ਸ੍ਰੀ ਅ: ਮਃ ੧) 8. ਧਨੀ. ਦੌਲਤਮੰਦ। 9. ਅਥ ਸ਼ਬਦ ਹੈ ਜਿਸ ਦੇ ਮੁੱਢ. ਅਥ ਸ਼ਬਦ ਸਹਿਤ. “ਸੁਅਸਤਿ ਆਥਿ ਬਾਣੀ ਬਰਮਾਉ। ਸਤਿ ਸੁਹਾਣੁ ਸਦਾ ਮਨਿ ਚਾਉ.” (ਜਪੁ) ਸ੍ਵਸ੍ਤਿ (ਓਅੰ) ਅਤੇ ਅਥ ਸ਼ਬਦ ਤੋਂ ਆਰੰਭ ਹੋਣ ਵਾਲੀ ਬ੍ਰਹਮਾ ਦੀ ਬਾਣੀ, ਸਿੱਖਮੰਤ੍ਰ ਸਤਿਨਾਮੁ ਅਤੇ ਅ਼ਰਬੀ ਸੁਬਹਾਨ ਦਾ ਸਦਾ ਮਨ ਵਿੱਚ ਚਾਉ ਹੈ. ਭਾਵ- ਕਿਸੇ ਖ਼ਾਸ ਭਾਸ਼ਾ ਦੇ ਨਾਮਾਂ ਦਾ ਮਾਨ ਅਤੇ ਤਿਰਸਕਾਰ ਨਹੀਂ. ਦੇਖੋ- ਅਥ ਅਤੇ ਸੁਅਸਤਿ.
ਪ੍ਰੋਫੈਸਰ ਤੇਜਾ ਸਿੰਘ ਜੀ ਇਨ੍ਹਾਂ ਤੁਕਾਂ ਦਾ ਅਰਥ ਕਰਦੇ ਹਨ:- “ਨਮਸਕਾਰ ਹੈ ਉਸ ਨੂੰ, ਜੋ ਆਪ ਮਾਇਆ ਹੈ, ਬਾਣੀ ਹੈ ਅਤੇ ਬ੍ਰਹਮ ਹੈ. ਉਹ ਸਤ੍ਯ ਸਰੂਪ ਹੈ, ਸੁੰਦਰ ਹੈ ਅਤੇ ਮਨ ਵਿੱਚ ਸਦਾ ਨੇਕੀ ਦੇ ਚਾਉ ਦੀ ਸ਼ਕਲ ਵਿੱਚ ਰਹਿੰਦਾ ਹੈ.” Footnotes:
X
Mahan Kosh data provided by Bhai Baljinder Singh (RaraSahib Wale);
See https://www.ik13.com
|
|