Go Home
 Encyclopedia & Dictionaries
Mahan Kosh Encyclopedia, Gurbani Dictionaries and Punjabi/English Dictionaries.


Total of 3 results found!


Type your word in English or Gurmukhi



SGGS Gurmukhi-Gurmukhi Dictionary
Āth(i). 1. ਧਨ, ਦੌਲਤ, ਮਾਇਆ ('ਮਹਾਨਕੋਸ਼' ਇਥੇ 'ਆਥਿ' ਦੇ ਅਰਥ ਇਛਾਵਾਨ (ਸੰ.) ਕਰਦਾ ਹੈ।)। 2. ਥਕਿਆ ਹੋਇਆ, ਨਿਢਾਲ (ਮਹਾਨਕੋਸ਼), ('ਸ਼ਬਦਾਰਥ', 'ਦਰਪਣ' ਇਥੇ ਵੀ 'ਆਥਿ' ਦੇ ਅਰਥ 'ਮਾਇਆ' ਹੀ ਕਰਦੇ ਹਨ।)। 3. ਇਥੇ। 4. ਹੈ। 5. ਲੋਪ ਹੋਇਆ (ਮਹਾਨ ਕੋਸ਼), ('ਸ਼ਬਦਾਰਥ' ਤੇ 'ਦਰਪਣ' ਅਰਥ 'ਮਾਇਆ' ਹੀ ਕਰਦੇ ਹਨ।)। 1. riches, wealth. 2. tired, exhausted. 3. here. 4. is. 5. disappeared. 1. ਉਦਾਹਰਨ: ਬਿਨੁ ਨਾਵੈ ਧਨੁ ਬਾਦਿ ਹੈ ਭੂਲੋ ਮਾਰਗਿ ਆਥਿ ॥ Raga Sireeraag 1, Asatpadee 10, 6:2 (P: 50). ਉਦਾਹਰਨ: ਆਥਿ ਸੈਲ ਨੀਚ ਘਰਿ ਹੋਇ॥ ਆਥਿ ਦੇਖਿ ਨਿਵੈ ਜਿਸੁ ਦੋਇ ॥ Raga Raamkalee 1, Oankaar, 14:3;4 (P: 931). 2. ਉਦਾਹਰਨ: ਭੂਖ ਪਿਆਸੋ ਆਥਿ ਕਿਉ ਦਰਿ ਜਾਇਸਾ ਜੀਉ ॥ Raga Dhanaasaree 1, Chhant 2, 5:1 (P: 689). 3. ਉਦਾਹਰਨ: ਹੰਸੁ ਚਲੈ ਉਠਿ ਡੁਮਣੋ ਮਾਇਆ ਭੂਲੀ ਆਥਿ ॥ Raga Raamkalee 1, Oankaar, 42:2 (P: 935). 4. ਉਦਾਹਰਨ: ਹਰਿ ਨਾਮੁ ਰਸਾਇਣੁ ਸਹਿਜ ਆਥਿ ॥ Raga Basant 1, 7, 1:4 (P: 1170). 5. ਉਦਾਹਰਨ: ਮੋਰੋ ਜਨਮ ਮਰਨ ਦੁਖੁ ਆਥਿ ਧੀਰ ॥ Raga Basant, Kabir, 5, 3:3 (P: 1194).

SGGS Gurmukhi-English Dictionary
[1. Pra. 2. Sk. V.] 1. (Âtha) wealth 2. (Asta) to move away, to remove to dispel, to turn away
SGGS Gurmukhi-English Data provided by Harjinder Singh Gill, Santa Monica, CA, USA.

Mahan Kosh Encyclopedia

ਦੇਖੋ, ਆਥ। (2) ਅਰ੍‍ਥ. ਧਨ. ਦੌਲਤ. "ਆਥਿ ਸੈਲ ਨੀਚ ਘਰਿ ਹੋਇ। ਆਥਿ ਦੇਖਿ ਨਿਵੈ ਜਿਸ ਦੋਇ". (ਓਅੰਕਾਰ) ਜੇ ਧਨ ਮੂਰਖ ਅਤੇ ਨੀਚ ਦੇ ਘਰ ਹੋਵੇ, ਤਦ ਧਨ ਨੂੰ ਵੇਖਕੇ ਚਤੁਰ ਅਤੇ ਕੁਲੀਨ ਦੋਵੇਂ ਨਿਉਂਦੇ ਹਨ। (3) ਇੰਦ੍ਰੀਆਂ ਦੇ ਵਿਸਿਆਂ ਵਿੱਚ. ਦੇਖੋ, ਅਗਛਮੀ। (4) ਅਸ੍ਤ ਹੋਇਆ. ਲੋਪ ਭਇਆ. "ਮੇਰੋ ਜਨਮ ਮਰਨ ਦੁਖ ਆਥਿ". (ਬਸੰ. ਕਬੀਰ)। (5) ਅਤ੍ਰ. ਇੱਥੇ. "ਮਾਇਆ ਭੂਲੀ ਆਥਿ". (ਓਅੰਕਾਰ)। (6) ਸ੍‍ਥਗਿਤ. ਥੱਕਿਆ. ਮਾਂਦਾ. "ਭੂਖ ਪਿਆਸੋ ਆਥਿ ਕਿਉ ਦਰਿ ਜਾਇਸਾ ਜੀਉ". (ਧਨਾ ਛੰਤ ਮਃ ੧) ਅਰ੍‌ਥਿਨ. ਅਰਥੀ. ਇੱਛਾ ਵਾਲਾ. ਖ਼੍ਵਾਹਿਸ਼ਮੰਦ. "ਭੂਲੋ ਮਾਰਗ ਆਥਿ" (ਸ੍ਰੀ ਅਃ ਮਃ ੧)। (8) ਧਨੀ. ਧੌਲਤਮੰਦ। (9) ਅਥ ਸ਼ਬਦ ਹੈ ਜਿਸ ਦੇ ਮੁੱਢ. ਅਥ ਸ਼ਬਦ ਸਹਿਤ. "ਸੁਅਸਤਿ ਆਥਿ ਬਾਣੀ ਬਰਮਾਉ। ਸਤਿ ਸੁਹਾਣੁ ਸਦਾ ਮਨਿ ਚਾਉ". (ਜਪੁ) ਸ੍ਵਸ੍ਤਿ (ਓਅੰ) ਅਤੇ ਅਥ ਸ਼ਬਦ ਤੋਂ ਆਰੰਭ ਹੋਣ ਵਾਲੀ ਬ੍ਰਹਮਾ ਦੀ ਬਾਣੀ, ਸਿੱਖ ਮੰਤ੍ਰ ਸਤਿਨਾਮੁ ਅਤੇ ਅ਼ਰਬੀ ਸੁਬਹਾਨ ਦਾ ਸਦਾ ਮਨ ਵਿੱਚ ਚਾਉ ਹੈ. ਭਾਵ- ਕਿਸੇ ਖ਼ਾਸ ਭਾਸਾ ਦੇ ਨਾਮਾਂ ਦਾ ਮਾਨ ਅਤੇ ਤਿਰਸਕਾਰ ਨਹੀਂ. ਦੇਖੋ, ਅਥ ਅਤੇ ਸੁਅਸਤਿ. ਪ੍ਰੋਫੈਸਰ ਤੇਜਾ ਸਿੰਘ ਜੀ ਇਨ੍ਹਾਂ ਤੁਕਾਂ ਦਾ ਅਰਥ ਕਰਦੇ ਹਨ:- "ਨਮਸਕਾਰ ਹੈ ਉਸਨੂੰ ਜੋ ਆਪ ਮਾਇਆ ਹੈ, ਬਾਣੀ ਹੈ ਅਤੇ ਬ੍ਰਹਮ ਹੈ. ਉਹ ਸਤ੍ਯ ਸਰੂਪ ਹੈ, ਸੁੰਦਰ ਹੈ ਅਤੇ ਮਨ ਵਿੱਚ ਸਦਾ ਨੇਕੀ ਦੇ ਚਾਉ ਦੀ ਸ਼ਕਲ ਵਿੱਚ ਰਹਿੰਦਾ ਹੈ".


Mahan Kosh data provided by Bhai Baljinder Singh (RaraSahib Wale); See http://www.ik13.com

.

© SriGranth.org, a Sri Guru Granth Sahib resource, all rights reserved.
See Acknowledgements & Credits